Pignit war vourzh ar vag, war-zu Enez Sun, enezenn penn ar bed ! Dizoloiñ an enezenn, he mojennoù hag hec’h annezidi, pignat betek penn an tour-tan, ober c’hoarioù bras ha beilhadegoù dirak ar c’huzh-heol… Kousket e kambr ar stered marteze ? Ur sizhunvezh leun a daolioù-kaer hag a faltazi a ginnigomp deoc’h, evit diskoachañ sekredoù Enez Sun ha brezhoneg an enezenn : ar bredoneg. Gant ar mor ivez e vo degaset leun a blijadurioù : pourmenadennoù war gaiak evit saludiñ an delfined hag ar reuniged, ur gouronkadenn en dour glas, un abadenn pesketa... c’hwi a zibabo ! E tachenn-gampiñ ar greizenn bageal e vo staliet ar c’hamp, 32 gammed diouzh an aod. Ar re yaouank a raio war-dro ar vuhez pemdez gant skoazell ar vuhezourien.